Samarqand shahar hokimligi

ICHIMLIK SUVI XONADONLARGA 4-5 SOATDA TO‘LIQ YETIB BORADI

Kecha, 13-iyun kuni Samarqand shahrining Cho’pon ota suv inshootidagi magistral suv tarmog'ida nosozlik yuzaga kelgani va ichimlik suvida vaqtincha uzilish bo‘lishi haqida xabar bergan edik.

Ushbu vaqt oralig‘ida aholiga maxsus transport vositalari orqali uzluksiz ichimlik suvi yetkazib berildi.

Yuzaga kelgan magistral suv quvuridagi muammo ayni paytda to‘liq bartaraf etilgani va ichimlik suvi aholi xonadonlariga yo‘naltirilganini ma'lum qilamiz. Ichimlik suvi vaqtincha uzilgan hududlarga 4-5 soat davomida navbati bilan suv quvurlari orqali obi hayot yetib boradi.

Samarqand shahar hokimligi axborot xizmati.

14-Iyun, 2023-yil 9:08 |