O‘zbekiston Respublikasi mustaqilligining 32 yilligi bayram tantanalari Samarqand shahrining Qorasuv massividagi “Yangi O‘zbekiston” bog‘i va “Mo‘’jiza” amfiteatrida bo‘lib o‘tadi.

31-avgust kuni erta tongdan “Yangi O‘zbekiston” bog‘ida yoshlar sayli, maktab, oziq-ovqat, hunarmandchilik mahsulotlari yarmarkalari hamda sport o‘yinlari va qator musobaqalar tashkil etiladi.

SHu kuni soat 19:00 da bayram tantanasining musiqali qismi boshlanadi.“Yangi O‘zbekiston” bog‘ida o‘rnatilgan sahnada folklor ansambllari, el suygan san'atkorlar - Alisher Fayz va Ozoda Nursaidova musiqali chiqishlari bilan yig‘ilganlarga xush kayfiyat bag‘ishlaydi.

Shuningdek, bayram yakunida salyut otilishi ko‘zda tutilgan.

1-sentyabr kuni esa Alisher Navoiy nomi bilan ataluvchi ko‘cha va bog‘da ham turli xil ko‘rgazma va soat 19:00 da Samarqand shahri aholisi va mehmonlari uchun “Mo‘’jiza” amfiteatrida bayram tantanalari o‘tkaziladi.