Samarqand shahar hokimi Fazliddin Umarov boshchiligida shahar hududidan o‘tuvchi Obi Mashhad kanali atrofini obodonlashtirish, ushbu hududlarda aholi uchun zamonaviy xizmat ko‘rsatish nuqtalarini tashkil etish va ularni rivojlantirish masalalari bo‘yicha joylarda o‘rganish ishlari olib borildi.

Unda hududlarni kompleks rivojlantirish, kanal atroflarini dam olish va sayr qilish uchun qulay maskanga aylantirish, qolaversa bu orqali yangi ish o‘rinlarini ham yaratish masalalariga alohida e’tibor qaratildi.

Shuningdek tadbirkorlar tomonidan ilgari surilgan takliflar muhokama qilinib, bu ishlarning amalga oshishi aholi bilan bir qatorda shahrimizga keluvchi sayyohlar uchun yanada qulay, zamonaviy va jozibali muhit yaratishga xizmat qilishi bildirildi.