AT "Aloqabank" Samarqand hududiy kompleks xizmatlar ko‘rsatish markazida aholi va tadbirkorlik subektlarini moliyaviy qo‘llab-quvvatlash maqsadida “Mahalla bankirlari faoliyatini tashkil etish va qo‘llab-quvvatlash” bo‘limi tashkil etildi.

Ushbu tizim orqali shahardagi har bir mahallaga “mahalla bankiri” va yordamchi-agentlari biriktirilib, quyidagi yo‘nalishlarda faoliyat yuritmoqda:
Hududning biznes imkoniyatlarini o‘rganish va aholining tadbirkorlik faoliyatini qo‘llab-quvvatlash;

Fuqarolar bilan individual ishlash, ularni daromadli mehnatga jalb etish va tomorqalardan samarali foydalanishiga ko‘maklashish;

Aholi tashabbuslarini biznes loyihalarga aylantirish, yangi tadbirkorlik subektlarini shakllantirish va mavjudlarini rivojlantirish;

Tadbirkorlar bilan uchrashuvlar tashkil etish, ularning moliyaviy ehtiyojlarini aniqlash va imtiyozli kreditlardan foydalanishga yo‘naltirish;

Fuqarolarga kredit olish va qarz mablag‘larini belgilangan tartibda qaytarishda yordam berish;

Ishlab chiqarilgan mahsulotlarni samarali realizatsiya qilishga ko‘maklashish;

Investisiya imkoniyatlari, moliyaviy xizmatlar va bank kreditlari bo‘yicha aholiga tushunchalar berish.

Mazkur tashabbus Samarqand shahrida tadbirkorlikni rivojlantirish, aholi turmush darajasini yaxshilash va iqtisodiy imkoniyatlarni kengaytirishga xizmat qiladi.