Unda ikki tomon hukumat a’zolari, vazirlar, hududlar rahbarlari va tadbirkorlar ishtirok etmoqda.

Forumning ochilish marosimida O‘zbekiston Respublikasi Bosh vazirining o‘rinbosari Jamshid Xo‘jayev, Xitoy Xalq Siyosiy maslahat Kengashining 14-chaqiriq yig‘ilishi raisining o‘rinbosari, SHHTning qo‘shnichilik, do‘stlik va hamkorlik bo‘yicha Xitoy qo‘mitasi raisi Shen Yueyue xonim, viloyat hokimi vazifasini bajaruvchi Adiz Boboyev so‘zga chiqib, O‘zbekiston va Xitoy o‘rtasidagi savdo-iqtisodiy, madaniy-gumanitar hamkorlik aloqalari rivojlanib borayotganini ta’kidladi.

Forum doirasida hududlararo mahalliy savdo va iqtisodiy hamkorlikni rivojlantirish, birodarlik va sherikchilik munosabatlarini o‘rnatish yuzasidan imzolangan bitimlar, kelishuv bayonnomalari, anglashuv memorandumi kabi hujjatlar almashildi.