Oʻzbekiston Respublikasi davlat mustaqilligining 34 yilligi hamda Toshkent davlat agrar universiteti tashkil etilganining 95 yilligi munosabati bilan Samarqand shahrida “Oltin kuz” xalqaro agro-tasviriy va amaliy sanʼat festivali o‘tkazildi.

Festival doirasida tadbirlar shahrimizning tarixi va ma’naviy merosi ramzi bo‘lgan Registon maydoni, Shohi Zinda va Bibixonim majmuasi hududlarida o‘tkazildi.

Yirik madaniy voqea sifatida o‘tgan festivalda nafaqat yurtimizdagi yosh ijodkor rassomlar, balki turli davlatlardan kelgan mahoratli san’atkorlar ham o‘z ijodiy ishlarini namoyish etdilar.

“Oltin kuz” festivali nafaqat sanʼat bayrami, balki milliy an’analarimiz, madaniyatimiz va urf-odatlarimizning xalqaro miqyosda tanilishi hamda turizm sohasining yanada rivojlanishiga xizmat qildi.