Samarqand shahar hokimligi

SAMARQAND SHAHRIDAGI MAXSUS MAKTAB-INTERNAT O‘QUVCHILARI RESPUBLIKA FAN OLIMPIADASIDA G‘OLIB BO‘LISHDI

Joriy yilning 9-10-iyun kunlari Toshkent shahrida Imkoniyati cheklangan maxsus maktab- o‘quvchilari uchun Asosiy olimpiadaning IV (respublika) bosqichi o‘tkazildi.

Ushbu olimpiadada Samarqand shahridagi 59-sonli maxsus maktab- internatining 11-12-sinf o‘quvchilari 1- va 2-o‘rinlarni qo‘lga kiritishdi.

Jumladan, 11-sinf o‘quvchilari o‘rtasida ona tili va adabiyoti fanidan Sherbek Islomov 1-o‘rinni, 12-sinf o‘quvchilari o‘rtasida matematika fanidan 12-sinf o‘quvchisi Murodjon Polvonov 2-o‘rinni, ona tili va adabiyoti fanidan Rayhona Sharafova 2-o‘rinni egallashdi.

Gʻolib o‘quvchilarning kelgusi o‘qish va ishlarida ulkan zafarlar tilaymiz.

Samarqand shahar hokimligi axborot xizmati.

11-Iyun, 2022-yil 17:20 |