Бир неча йилдан буён эътибордан четда қолиб келаётган Ўзбекистон кўчасида ободонлаштириш-бунёдкорлик ишлари бошлаб юборилгани ҳақида хабар берган эдик. (https://t.me/samshahar/15307)

Бугун Самарқанд шаҳар ҳокими Фазлиддин Умаров бошчилигидаги бир гуруҳ масъул корхона ва ташкилот раҳбарлари ушбу кўчада олиб борилаётган ишлар билан танишди. 

Ҳоким кўчада қилиниши керак бўлган навбатдаги ишларга тўхталиб, йўл қўйилган камчиликларни ободонлаштириш ишлари давомида тартибга келтириш кераклигини илгари сурди.

Айтиш ўринлики, кўча яқин вақтларда шаҳарнинг энг замонавий кўчаларидан бирига айланади. Айни пайтда кўчага тунги ёритиш мосламалари ўрнатилиб, алоҳида пиёдалар йўли ташкил этилмоқда ва кўчага асфальт қопламаси ётқизилаётир. Шунингдек, кўча бўйлаб жойлашган турар ва нотурар биноларнинг ташқи кўриниши ўзига хос қиёфага келтириляпти.