Ijtimoiy tarmoqlarda Samarqand shahri Mirzo Ulug‘bek ko‘chasining kesishmalarida yangi svetoforlar o‘rnatilgani va bu jarayonda ko‘chalarning qatnov qismidagi asfalt kesilib, simlar tortilgani, biroq o‘yiqlar shu holiga tashlab qo‘yilgani haqida xabar tarqaldi.

Holat bo‘yicha shuni ma’lum qilamizki, xabarda aytilgan masala mas’ullar tomonidan doimiy nazoratga olingan bo‘lib, o‘z holiga tashlab qo‘yilmagan.

Mirzo Ulug‘bek ko‘chasi bo‘ylab elektr energiya tejovchi svetoforlar o‘rnatish maqsadida ko‘chaning qazilgan qismilaridan elektr simlari tortib o‘tildi. 

Aytish o‘rinliki, ishlar davom etyapti va ko‘chaning qazilgan qismilariga belgilangan tartibda asfalt qoplamasi yotqizilmoqda.

Samarqand shahar hokimligi axborot xizmati.