Samarqand shahridagi yoshlar markazida viloyat hokimining o‘rinbosari Bobur Karimov Samarqand shahridagi mahalla raislari va mahalla mullalari bilan ochiq muloqot o‘tkazdi.
 
Unda asosiy e’tibor Prezidentimiz tomonidan joriy yil 21-aprel kuni qabul qilingan “Fuqarolarning vijdon erkinligi huquqi kafolatlarini yanada mustahkamlash hamda diniy-ma’rifiy sohadagi islohotlarni yangi bosqichga olib chiqish chora-tadbirlari to‘g‘risida”gi Farmonning mazmuniga qaratildi.

Shuningdek, 2025-yil fevral oyida qabul qilingan “O‘zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasi”ning ahamiyati, uni mahallarda amaliyotga tatbiq etish masalalari muhokama qilindi.

Uchrashuvda joylardagi diniy-ma’rifiy muhitni sog‘lomlashtirish, aholi orasida bag‘rikenglik va totuvlikni mustahkamlashga doir vazifalar belgilab olindi.