Samarqand shahar hokimligi

HOKIM O‘RINBOSARI YOSHLARNING MUAMMO VA TAKLIFLARINI TINGLADI

Samarqand shahar hokimining birinchi o‘rinbosari Hasan Ochilov ishtirokida ishsiz yoshlar bilan ochiq muloqot tarzida uchrashuv bo‘lib o‘tdi.

Unda yoshlarni ish bilan ta’minlash, ularning bandligini oshirish, kasb-hunarga yo‘naltirish, shuningdek, tadbirkorlik faoliyatiga jalb etish masalalari atroflicha muhokama qilindi.

Uchrashuvda yoshlar uchun davlat tomonidan yaratilayotgan imkoniyatlar, imtiyozli kreditlar, subsidiya va grant dasturlari haqida batafsil ma’lumotlar berildi.

Muloqot chog‘ida yoshlar tomonidan bildirilgan murojaat va takliflar tinglanib, ularni ijobiy hal etish bo‘yicha mas’ullarga tegishli ko‘rsatmalar berildi.

9-Fevral, 2026-yil 18:46 |