ELEKTR TAʼMINOTI QARZDORLIGINI YOʻQ QILIB BERISHNI VAʼDA QILGAN MUHANDIS USHLANDI
Bu holat Bosh prokuratura huzuridagi Departamentning Samarqand viloyat boshqarmasi tomonidan IIB korrupsiyaga qarshi kurashish boʻlimi xodimlari bilan hamkorlikda oʻtkazilgan tezkor tadbirda aniqlandi.
Samarqand shahar elektr taʼminoti korxonasi muhandisi S.B. fuqaro A.Ch.ning xonadonidagi elektr energiyasiga noqonuniy ulanganligi holati boʻyicha dalolatnoma rasmiylashtirmaslik hamda mavjud qarzdorligini yoʻq qilib berish evaziga 4 mln. soʻmni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.
6-Aprel, 2023-yil 14:12 |
