Samarqand shahar hokimining maslahatchisi Norbek Alqarovning ma'lumotiga ko'ra, bugun  Samarqand shahri Amir Temur va Buyuk Ipak Yo‘li ko‘chalarida joylashgan savdo majmualari, umumiy ovqatlanish joylari, xizmat ko‘rsatish obyektlariga tartibsiz, shaharsozlik me’yorlariga mos kelmagan, ruxsatsiz o‘rnatilgan, “Davlat tili haqida”gi va “Reklama to‘g‘risida”gi Qonunlar talablariga to‘g‘ri kelmagan  tashqi reklama vositalari Ishchi guruh tomonidan tartibga keltirildi hamda yangi tahrirdagi "Reklama to‘g‘risida"gi Qonunning 9-sentabrdan kuchga kirishi munosabati bilan targ‘ibot-tashviqot va tushuntirish ishlari olib borildi.

Peshlavha va reklama vositalarini o‘rnatishda qonun talablariga rioya etishlari to‘g‘risida tadbirkorlik subyektlariga tushunchalar berildi.