Oxirgi yillarda shahrimizning markaziy ko‘chalarida keng ko‘lamli obodonlashtirish ishlari jadal olib borilmoqda. Endilikda shahrimizning boshqa ko‘chalarini ham ta’mirlash rejalashtirilgan.

Jumladan, Gagarin ko‘chasi joriy va keyingi yilda devordan devorgacha to‘liq ta’mirlanadi va ayni paytda ham ko‘chadagi ko‘p qavatli uylarning fasad qismida keng ko‘lamli ta’mirlash ishlari olib borilmoqda. Ushbu ko‘cha shaharning asosiy ko‘chalaridan biri bo‘lgani bois ham holat videoda tasvirlanganidik uzoq vaqt turmaydi va ishlar tez muddatlarda yakunlanadi. 

Shuningdek, Navoiyshoh ko‘chasining Shota Rustavelli ko‘chasi kesishmasidagi holat ham bejizga bo‘lmagan va aholiga ichimlik suvi yetkazishni yanada yaxshilash maqsadida qazish ishlari olib borilgan va suv quvurlari yotqizilgan. Havo biroz isib, ko‘chaning qazilgan qismi anchagina bosilsa qayta to‘liq ta’mirlab chiqiladi.