Assalomu alaykum, hurmatli hamshaharlar va qadrli shahrimiz mehmonlari!

Siz azizlarni, 18 oktyabr – "Samarqand shahri kuni" bayrami bilan samimiy tabriklayman. Go‘zal shahrimiz biz samarqandliklarning mehru-muhabbati bilan yer yuzining sayqali sifatida kundan-kun chiroy ochib bormoqda. 

Ta’kidlash kerakki, ilm-fan, madaniyat, san’at va hunarmandchilik markazi sifatida Samarqand dunyo ahlini hayratga solib, o‘z bag‘riga chorlamoqda. 

Ayniqsa, bizni quvontiradigan holat shuki – Buyuk ipak yo‘li chorrahasida joylashgan bu betakror kent dunyo ahlini bir yerga jamlab, ona sayyoramizda tinchlik-totuvlikni, o‘zaro ishonch va hamkorlikni ta’minlash maskani sifatida tarixda muhrlanyapti.

Qadrli do‘stlar, shahrimiz ayyomi yana bir bor muborak bo‘lsin!

Fazliddin UMAROV, Samarqand shahar hokimi.