Samarqand shahar hokimligi

SAMARQAND SHAHRIDA IJTIMOIY DO‘KON ISH BOSHLADI

Bugun, 23-fevraldan boshlab Samarqand shahridagi So‘g‘diyona massivida ijtimoiy do‘kon o‘z faoliyatini boshladi. Unda muhtojligi bor fuqarolarga kiyim-kechaklar bepul beriladi.

Do‘kon tashkilotchilari maʼlum qilishicha, ijtimoiy do‘kon har kuni soat 16:00dan 18:00 gacha ochiq bo‘ladi. Xohlovchilardan bahorgi, yozgi kiyim-kechak va poyabzallar qabul qilinadi. “Farzandlaringizga, o‘zingizga kichkina bo‘lib qolgan kiyim-kechaklarni olib kelsangiz biz ularni mahalla orqali kam taʼminlanganlarga yetkazamiz, mazkur kiyimlarga ehtiyoji borlar So‘g‘diyonadagi Yangiobod masjidi yonida joylashgan ijtimoiy do‘konimizda kutamiz”, deyiladi do‘kon ochilishiga bag‘ishlangan eʼlonda.

23 февраля 2023 г. 14:02 |