Samarqand shahar hokimi Fazliddin Umarov mas’ullar ishtirokida Qorasuv maskanida bo‘lib, chiqindilarni to‘plash va olib chiqish bo‘yicha mavjud muammolarni tartibga olish, obodonlashtirish ishlari, ko‘p qavatli uylar atrofida sanitariya holatini yaxshilash, yo‘llar va bolalar maydonchalari holatini ko‘zdan kechirdi. Shuningdek, joyida fuqarolarning taklif va murojaatlari tinglandi. 

- Qorasuv maskanini faqatgina yashash uchun emas, balki insonlar o‘zini Yangi Samarqandning barcha qulayliklarini his qiluvchi fuqaro sifatida erkin va farovon yashaydigan maskanga aylantirishimiz zarur. Bu uchun bizda imkoniyat bor va fuqarolarimiz uchun barcha shart-sharoitlarni yaratib berishimiz lozim, — dedi hokim o‘z so‘zida.

Shaharni obodonlashtirish bo‘yicha hokim rahbarligidagi ishlar davom etadi...