Xabar qilganimizdik, shu kunlarda Samarqand shahar hokimi Fazliddin Umarov boshchiligidagi delegatsiya Xitoy Xalq Respublikasida bo‘lib turibdi.

Tadbirlar doirasida Shandong va boshqa provinsiyalarning 50 dan ortiq yirik ishlab chiqaruvchi va xizmatlar sohasidagi tadbirkorlik sub’yektlari ishtirokida “YUZ-ZEN CENTRY HOTEL” mehmonxonasining konferensiya zalida ham forum tashkil etildi. 

Unda shahar hokimi Samarqand shahrining investision salohiyati, imkoniyatlari va yaratilgan sharoitlar yuzasidan ma’lumot berdi.

Samarqandda o‘z vakolatxonasiga ega bo‘lgan “Djinchay Internet Holdings” kompaniyasi rahbari Vu Ting I tomonidan Samarqand shahrining kelajakdagi 10 yillik istiqbollari mavzusida tahliliy prezentatsiya o‘tkazildi. 

Shundan so‘ng G2B formatda muzokaralar olib borildi.
Unda, jumladan, “Hebei GZY Information Technology” Co., Ltd, “Beijing Haichuang Yifu Investment Management” Co., Ltd, “Tianjin Qiaojiang Trading” Co., Ltd, “Beijing Elite Yuanhang Digital Technology” Co., Ltd kabi yirik korxona rahbarlari va vakillari bilan dastlabki kelishuvlarga erishildi.