Samarqand shahar hokimligi

UNIVERSITET XIYOBONIDA TRANSPORT VOSITALARINING HARAKATI TO‘LIQ TIKLANDI, SADRIDDIN AYNIY KO‘CHASI YOPILDI

Samarqand shahrining Universitet xiyobonida asfalt qoplamasini yotqizish ishlari yakuniga yetkazildi va transport vositalarining harakati to‘liq tiklandi. Shuningdek, navbatdagi ishlar Sadriddin Ayniy ko‘chasida boshlandi.

Shu munosabat bilan Sadriddin Ayniy ko‘chasining Panjikent ko‘chasi bilan kesishmasidan Gulobod ko‘chasi tutashmasigacha bo‘lgan qismida transport vositalarining harakati vaqtincha cheklanadi.

Eslatib o‘tamiz, ko‘chaning ta’mirlab bo‘lingan qismi navbati bilan ochib boriladi va o‘sha hududda transport vositalarining harakati yo‘lga qo‘yiladi.

Samarqand shahar hokimligi axborot xizmati.

20-Iyun, 2022-yil 7:31 |