Avval xabar qilganimizdek, Samarqand shahrida 1, 2, 3-avgust kunlari "Samarqand OSHI" festivali bo'lib o'tadi.

Festival 3 kun tashkil etiladi:

1-KUN – Mahalliy oshpazlar ishtirokida musobaqa (Sulton Hovand Beka maqbarasi - Ashratxonada);

2-KUN – Xorijiy oshpazlar ishtirokida (Alisher Navoiy ko'chasida);

3-KUN – 7 TONNA osh tayyorlash jarayoni (Boqiy shahar majmuasida);

Boqiy shaharda tashkil etiladigan festival yakunida konsert dasturlari va tanlov g'oliblarini taqdirlash marosimi bo'lib o'tadi. 

Unda poytaxtdan kelgan taniqli san'atkorlar – Nilufar Usmonova, Muhammadziyo, Lola Ahmedova hamda Oybek va Nigora o‘z chiqishlari bilan  (kirish barcha uchun bepul) ishtirok etadi.
 
Eslatib o'tamiz, tayyorlangan osh mehribonlik uylari, nogironligi bo‘lgan bolalarni ixtisoslashtirilgan maktab-internatlari, qariyalar uylari kabi muassasalarga yetkazib beriladi!

Samarqand shahar hokimligi axborot xizmati.